ବନସ୍ତେ ଡାକିଲା ଗଜ, ବରଷକେ ଥରେ ଆସିଛି ରଜ ଲୋ, ଘେନି ନୂଆ ସଜାବାଜ.. । ରଜ ସମୟରେ ଗାଁଠାରୁ ଆରମ୍ଭ କରି ସହରଯାଏ ଶୁଣିବାକୁ ମିଳେ ଏହି ଦୋଳି ଗୀତ । ଓଡ଼ିଶାର ଜାତୀୟ ପର୍ବ ରଜ ଆସିଲେ ଉତ୍ସବ ମୁଖର ହୋଇଉଠେ ସାରା ଓଡ଼ିଶା । ଓଡ଼ିଆମାନଙ୍କ ସାମାଜିକ ଓ ଗଣପର୍ବ ରଜ ଆସିଥାଏ ଖୁସିର ଫରୁଆ ନେଇ । କୃଷିଭିତ୍ତିକ ପର୍ବ ରଜ ଶବ୍ଦର ଆକ୍ଷରିକ ଅର୍ଥ ହେଉଛି ରଜବତୀ ହେବା । ବର୍ଷାର ଆଗମନରେ ମାଟି ମା’ରଜସ୍ୱଳା ହେବା ଓ ନୂଆ ଶସ୍ୟ ଜନ୍ମ ଦେବାର ସାଙ୍କେତିକ ଭାବ ଏହା କରିଥାଏ ବହନ ।

ବସୁଧା ମାତାକୁ ପୂଜା କରିବାର ଅନନ୍ୟ ପରମ୍ପରା

ଆଷାଢ଼ ମାସର ପ୍ରଥମ ବର୍ଷାର ଆଗମନରେ ମେଘ ଓ ମାଟିର ହୋଇଥାଏ ଅପୂର୍ବ ମିଳନ । ମାଟି ମା’ହୁଏ ରଜସ୍ୱଳା । ଜଣେ ନାରୀକୁ ଯେମିତି ପ୍ରଜନନ ପୂର୍ବରୁ ବିଶ୍ରାମର ଆବଶ୍ୟକତା ରହିଛି, ଠିକ୍ ସେମିତି ପ୍ରଜନନକ୍ଷମ ହେବାକୁ ଯାଉଥିବା ଧରିତ୍ରୀ ମା’କୁ ରଜ ତିନି ଦିନ ବିଶ୍ରାମ ଦିଆଯାଏ । ଏହି ସମୟରେ ଭୂମିରେ ଲଙ୍ଗଳ ଚଳାଇବା କିମ୍ବା ଅନ୍ୟ କୃଷି କାମ କରିବାରେ ରହିଛି ବାରଣ ।

ରଜପର୍ବ ପାଳନରେ ମସଗୁଲ ସାରା ଓଡ଼ିଶା

ସାଧାରଣତଃ ମୁଖ୍ୟ ରଜ ପର୍ବ ୩ ଦିନ ହୋଇଥିବାବେଳେ ମୋଟ୍ ୫ ଦିନ ଧରି ଏହା ପାଳନ କରାଯାଏ । ପହିଲି ରଜର ପୂର୍ବଦିନ ପଡ଼ିଥାଏ ସଜବାଜ । ଏହି ଦିନ ଘର ଓ କୃଷି କର୍ମରେ ବ୍ୟବହୃତ ଉପକରଣ ଧୋଇ ପରିଷ୍କାର କରାଯାଏ । ପିଲାଙ୍କ ପାଇଁ ଦୋଳି ବନ୍ଧାଯିବା ସହ କୁଆଁରୀ ଝିଅମାନେ ଅଳତା, କଜଳ, ମେହେନ୍ଦୀ, ମୁଣ୍ଡରେ ଚନ୍ଦନ ଟିପା ଲଗାଇ ହୋଇଥାନ୍ତି ସଜବାଜ । ଏହାର ପରଦିନ ମାସନ୍ତରେ ପଡ଼େ ପହିଲି ରଜ । ଏହି ଦିନ ଝିଅମାନେ ନୂଆ ବସ୍ତ୍ର ପିନ୍ଧି ସଜାବାଜ ହୋଇ ଦୋଳି ଖେଳିଥାନ୍ତି । ରଜ ପଟିରେ ଶିଳ ପୁଆ ପୂଜା କରି ଏକାଠି ବସି ପିଠାପଣା ଖାଇଥାନ୍ତି । ଆଷାଢ଼ ମାସର ପ୍ରଥମ ଦିନ ହେଉଛି ରଜ ସଂକ୍ରାନ୍ତି । ସଂକ୍ରାନ୍ତି ପରଦିନ ପଡ଼େ ଶେଷ ରଜ ବା ଭୂମି ଦହନ ଓ ଶେଷରେ ଆଷାଢ଼ ମାସର ତୃତୀୟ ଦିନରେ ପଡ଼େ ବସୁମତୀ ସ୍ନାନ ।

ମହିଳାଙ୍କୁ କାମରୁ ମିଳିଥାଏ ବିରତି, ଜମିଥାଏ ଖେଳ

ବସୁଧା ମା’ସହିତ ସମଗ୍ର ମାତୃଜାତିକୁ ଏହି ରଜ ପର୍ବ ଉତ୍ସର୍ଗ କରାଯାଇଛି । ରଜ ତିନି ଦିନ କୁମାରୀ ଝିଅମାନେ ରଜସ୍ୱଳା ନାରୀଙ୍କ ଭଳି ଭୂମିରେ ଚାଲନ୍ତି ନାହିଁ କିମ୍ବା ସ୍ନାନ କରନ୍ତି ନାହିଁ । ଲୁଣ ଖାଆନ୍ତି ନାହିଁ, କେବଳ ଫଳମୂଳ ଓ ମିଠା ସେବନ କରିବାର ବିଧି ରହିଛି । ରଜରେ ନାରୀମାନଙ୍କୁ ଗୃହକର୍ମରୁ ମିଳିଥାଏ ବିରତି । ଯୁବତୀମାନେ ନୂଆ ବସ୍ତ୍ର ଓ ଅଳଙ୍କାର ପରିଧାନ କରି ବନ୍ଧୁ ବାନ୍ଧବ ଓ ସାଙ୍ଗସାଥୀଙ୍କ ଘରକୁ ବୁଲିବାକୁ ଯାଇଥାନ୍ତି । ତାସ୍‌, କ୍ୟାରମ୍‌, ପଶା, ଲୁଡ଼ୁ, ବାଗୁଡ଼ି, ଦୋଳି, ପୁଚି ଖେଳରେ ତିନି ଦିନ କେମିତି ବିତିଯାଏ ଜଣାପଡ଼େନି ।

ରଜ ଦୋଳି ଗୀତ

ରଜରେ କୁମାରୀମାନଙ୍କ ରଜ ଦୋଳି ଗୀତ ସବୁଠାରୁ ବଡ଼ ଆକର୍ଷଣ । ଦୋଳି ଖେଳିବା ସମୟରେ ସେମାନେ ଓଡ଼ିଶାର ସାମାଜିକ ଚଳଣୀ, ପରମ୍ପରା ଆଦିକୁ ନେଇ ଉଦ୍ଦିଷ୍ଟ ଲୋକଗୀତ ଗାଇଥାନ୍ତି । ପିଢ଼ି ପରେ ପିଢ଼ି ଏହି ଗୀତ ପ୍ରଚଳନ ହୋଇ ଆସୁଛି ।

ପୋଡ଼ ପିଠା ଓ ପାନ ବିନା ରଜ ଅଧୁରା

ପୋଡ଼ ପିଠା ଓ ଖିଲି ପାନ ବିନା ଅଧୁରା ରଜ । ରଜରେ ଲୋକେ ନିଜ ବନ୍ଧୁ ଓ ପରିଜନଙ୍କୁ ଶ୍ରଦ୍ଧା ପୂର୍ବକ ମୁଖବାସ ସୁମିଷ୍ଟ ପାନ ଦେଇଥାନ୍ତି । ଏହି ପାନରେ ୧୦ରୁ ୧୨ ପ୍ରକାରର ସୁବାସିତ ମସଲା ବ୍ୟବହାର କରାଯାଏ । ପରସ୍ପର ପ୍ରତି ଭଲ ପାଇବା, ସ୍ନେହଁର ପ୍ରତୀକ ଭାବେ ଏହାକୁ ଗ୍ରହଣ କରାଯାଏ ।

ସହରୀ ଲୋକଙ୍କ ନିଆରା ରଜ ପାଳନ

ରଜ ପାଇଁ ଗାଁ ଯେମିତି ଉତ୍ସବ ମୁଖର ହୋଇଯାଏ, ସହର ବି ସେମିତି ସଜେଇ ହୋଇଥାଏ । କୋଭିଡ୍ କଟକଣା ଯୋଗୁଁ ଦୀର୍ଘ ୨ ବର୍ଷ ହେଲାଣି ଲୋକେ ରଜ ମଉଜ କରିପାରୁ ନ ଥିଲେ । ତେବେ ଏବର୍ଷ ଏଥିରୁ ମିଳିଛି କିଛିଟା ଆଶ୍ୱସ୍ତୀ । ସହରରେ ଗାଁର ମହକ ଦେବା ଲାଗି ପାନ୍ଥନିବାସଠାରୁ ଆରମ୍ଭ କରି କେତେକ ବଡ଼ ମଲ୍‌ରେ ପାଳନ ହେଉଛି ରଜ ଉତ୍ସବ । କେଉଁଠି ପିଲାମାନେ ଦୋଳିରେ ଝୁଲି ମଜା ନେଉଛନ୍ତି ତ ଆଉ କେଉଁଠି ରଜ ପାନ, ରଜ ପିଠା ଖାଇ ରଜ ଉତ୍ସବ ପାଳନ କରୁଛନ୍ତି । ଏଥରର ରଜ ବଜାରକୁ ସରଗରମ କରିବା ଲାଗି ରିଲିଜ ହୋଇଛି ଅନେକଗୁଡ଼ିଏ ଓଡ଼ିଆ ସିନେମା । ସେଥିମଧ୍ୟରେ ରହିଛି ଦିଲ୍ ମୋର ମାନେନା, ଏକା ତୁ ଏକା ମୁଁ, ଗୁପ୍ ଚୁପ୍‌, ଚୋରଣୀ ୨ ଭଳି ସିନେମା, ଯାହା ଦର୍ଶକଙ୍କୁ ଯୋଗାଇପାରେ ମନୋରଞ୍ଜନର ଖୋରାକ ।

ରଜ ପର୍ବର ସାମାଜିକ ଦିଗ

ବଦଳି ଚାଲିଛି ଯୁଗ, ଏହା ସହିତ ବଦଳି ଚାଲିଛି ଲୋକଙ୍କ ଜୀବନଶୈଳୀ ଓ ପରସ୍ପର ପ୍ରତି ଥିବା ଆତ୍ମିୟତା । କର୍ମ ଅନ୍ୱେଷଣରେ ଲୋକଙ୍କୁ ଘରଠାରୁ ଦୂରରେ ରହିବାକୁ ପଡ଼ୁଛି । ଏପରି ସ୍ଥିତିରେ ରଜ ଭଳି କେତେକ ସାମାଜିକ ପର୍ବରେ ସମସ୍ତେ ଏକାଠି ହେବାକୁ ଗାଁକୁ ଯିବାକୁ କରିଥାନ୍ତି ଚେଷ୍ଟା । ଗାଁରେ ରଜ ଛୁଟି କାଟିବା ସହିତ ମଉଜ ମଜଲିସରେ ତିନି ଦିନ ବିତାଇଥାନ୍ତି । ଏହା ସେମାନଙ୍କୁ ସାମାଜିକ ମୂଲ୍ୟବୋଧ ପ୍ରତି କରିପାରୁଛି ଅଧିକ ଯତ୍ନଶୀଳ । ତେଣୁ ଓଡ଼ିଆ ସଂସ୍କୃତି, ପରମ୍ପରାକୁ ମଜବୁତ କରୁଥିବା ବିଭିନ୍ନ ପର୍ବ ପର୍ବାଣୀକୁ ସମସ୍ତେ ଆଦରରେ ପାଳନ କରିବାର ରହିଛି ଆବଶ୍ୟକତା ।

ଭାରତୀୟ ମହିଳାଙ୍କର ଏକ ପାରମ୍ପରିକ ପୋଷାକ ହେଉଛି ଶାଢ଼ି । ଶାଢ଼ି ଯେତିକି ଆରମଦାୟକ ସେତିକି ଆକର୍ଷକ । କପଡ଼ା ଓ ବୟନ ଶିଳ୍ପରେ ଓଡ଼ିଶାର ଏକ ସମୃଦ୍ଧ ଐତିହ୍ୟ ରହିଛି । ଏପରିକି ଏହା ଓଡ଼ିଶାର ଏକ ପ୍ରମୁଖ ଉଦ୍ୟୋଗ, ଯାହା ଲକ୍ଷାଧିକ ଲୋକଙ୍କୁ କର୍ମସଂସ୍ଥାନ ଯୋଗାଉଛି । ରାଜ୍ୟରେ ବୟନ ଶିଳ୍ପର ସ୍ୱେଦେଶୀ ଶୈଳୀ ପୁରୁଣା ଧାର୍ମିକ ଗ୍ରନ୍ଥରୁ ଅନୁପ୍ରାଣିତ ହୋଇଛି । ଅନ୍ୟ ରାଜ୍ୟର ବିପରୀତ ଓଡ଼ିଶାର ଶାଢ଼ି ଅଧିକାଂଶ ହିନ୍ଦୁ ଧାର୍ମିକ ଗ୍ରନ୍ଥରୁ ପ୍ରେରଣା ପାଇଛି । ବିଶେଷକରି ଭଗବାନ ଶ୍ରୀକୃଷ୍ଣଙ୍କ ସହିତ ଜଡ଼ିତ କଥାବସ୍ତୁକୁ କେନ୍ଦ୍ର କରି ବୁଣାକାରମାନେ ଶାଢ଼ି ବୁଣୁଥିବା ଦେଖିବାକୁ ମିଳିଥାଏ । ଜଗନ୍ନାଥ ସଂସ୍କୃତିରୁ ପ୍ରେରିତ ହୋଇ ଅଧିକାଂଶ ଶାଢ଼ିର ପାଢ଼ିରେ ଜଗନ୍ନାଥଙ୍କ ଶ୍ରୀମନ୍ଦିର, ଧାର୍ମିକ ଡିଜାଇନ ଓ ପାରମ୍ପରିକ ରଙ୍ଗ ଦେଖିବାକୁ ମିଳିଥାଏ । ଓଡ଼ିଶା ଏହାର ସିଲ୍କ ଓ କଟନ୍ ପାଇଁ ବେଶ୍ ଜଣାଶୁଣା । ଭିନ୍ନ ଭିନ୍ନ ପ୍ରକାରର ଟସର ସିଲ୍କ ଓ କଟନ ଏହା ଉତ୍ପାଦନ କରୁଛି । ଇକତ ରଙ୍ଗ ଓ ବୁଣାର ନିଜସ୍ୱ ଶୈଳୀ ପାଇଁ ଏହି ରାଜ୍ୟ ଅଧିକ ଜଣାଶୁଣା । ଓଡ଼ିଶାର ଏହି ନିଆରା ଶାଢ଼ି ଡିଜାଇନ କେବେ ବି ଫ୍ୟାଶନ୍ ଇଣ୍ଡଷ୍ଟ୍ରୀରୁ ହଜିଯାଇନି ।

ସମ୍ବଲପୁରୀ ଇକତ ବା ବାନ୍ଧ ଶାଢ଼ି

ଓଡ଼ିଶାର ସବୁଠାରୁ ଲୋକପ୍ରିୟ ଶାଢ଼ି ମଧ୍ୟରେ ସମ୍ବଲପୁରୀ ଶାଢ଼ି ଅନ୍ୟତମ । ଏହି ସମ୍ବଲପୁରୀ ଶାଢ଼ି ଉପରେ ସାଧାରଣତଃ ପକ୍ଷୀ, ପଶୁ, ରୁଦ୍ରାକ୍ଷ ମାଳା, ଜ୍ୟୋମେଟ୍ରିକ୍ ଡିଜାଇନ୍‌, ପଶା, ମନ୍ଦିରର ଶିଖର, ଫୁଲ ଆଦି ଡିଜାଇନ କରାଯାଇଥାଏ । ଏହି ଶାଢ଼ିର କେବେଳ ପାଢ଼ିରେ ନୁହେଁ ବରଂ ପୂରା ଶାଢ଼ିରେ ବି ଡିଜାଇନ୍ ଦେଖାଯାଏ । କଟକର ନୂଆପାଟଣାରେ ବୁଣାକାରମାନେ ଜଗନ୍ନାଥଙ୍କ ଗୀତ ଗୋବିନ୍ଦରୁ ଅନୁପ୍ରାଣିତ ହୋଇ ସିଲ୍କ ଶାଢ଼ି ତିଆରି କରୁଛନ୍ତି । ଏହି ଶାଢ଼ି ପ୍ରତ୍ୟେକ ଦିନ ଜଗନ୍ନାଥଙ୍କ ମନ୍ଦିରରେ ଠାକୁରଙ୍କୁ ସଜାଯାଉଛି । ସମ୍ବଲପୁରୀ ବା ବାନ୍ଧ ଶାଢ଼ି ସମ୍ବଲପୁର, ବ୍ରହ୍ମପୁର, ମୟୂରଭଞ୍ଜ ଏବଂ ନୂଆପାଟଣାରେ ବୁଣାଯାଇଥାଏ । ଏହାକୁ ସମ୍ବଲପୁରୀ ଶାଢ଼ି କୁହାଯାଉଥିଲେ ବି ଯେଉଁ ବୁଣାକାରମାନେ ବାନ୍ଧ ଶାଢ଼ି ତିଆରି କରନ୍ତି, ସେମନେ ନିଜସ୍ୱ ଶୈଳୀ ଯୋଗ କରିଥାନ୍ତି । ସମ୍ବଲପୁରୀ ଇକତ କଟନ ସଂସ୍କରଣରେ ଲୋକପ୍ରିୟ । ନୂଆପାଟଣାର ବୁଣାକାରମାନେ ସମାନ ବୁଣାବା ଶୈଳୀ ଓ ଡିଜାଇନ୍ କରୁଥିଲେ ବି ଏହା ସଫ୍ଟ ସିଲ୍କ ଓ ଟସର ସିଲ୍କରେ ଉପଲବ୍ଧ ହେଉଛି । ବ୍ରହ୍ମପୁରରେ ଏହି ଶାଢ଼ିର ବର୍ଡର ପତଳା ହୋଇଥିବାବେଳେ ଏହା ଭାରୀ ରେଶମ ସଂସ୍କରଣରେ ଉପଲବ୍ଧ ହେଉଛି ।

ଗଞ୍ଜାମର ବୋମକାଇ ବା ସୋନପୁରୀ ଶାଢ଼ି

ବୋମକାଇ ଶାଢ଼ି ପିନ୍ଧିବାକୁ ବେଶ୍ ଆରମଦାୟକ । ସାଧାରଣତଃ ନରମ ରେଶମ ବୁଣାଯାଇଥିବା ଏହି ବୋମକାଇ ଶାଢ଼ିର ପଣତ ଓ ପାଢ଼ିରେ ରେଶମ ବା ସିଲ୍କ ସୁତାରେ ଏମ୍ବ୍ରୋଡରୀ ଓ ଇକତ ବୟନ କଳାର ସଂଯୋଜନା ଦେଖିବାକୁ ମିଳିଥାଏ । ଅଧିକାଂଶ ଶାଢ଼ିର ବର୍ଡର ସାଦା ଥିବାବେଳେ ପଣତରେ ବିଭିନ୍ନ ଡିଜାଇନ୍ କରାଯାଇଥାଏ । ଆଦିବାସୀ କଳା, ପ୍ରାକୃତିକ ଥିମ୍ ଓ ମାଛର ଡିଜାଇନ୍ ଦେଖିବାକୁ ମିଳୁଛି । କାରଣ ମାଛକୁ ସଫଳତା ଓ ପ୍ରସନ୍ନତାର ପ୍ରତୀକ ଭାବେ ଗ୍ରହଣ କରାଯାଏ । ବୋମକାଇ ଶାଢ଼ି ସାଧାରଣତଃ କଳା, ଧଳା ଓ ଲାଲ ରଙ୍ଗର ପୃଷ୍ଠଭୂମିରେ ଡିଜାଇନ କରାଯାଇଥାଏ । ତେବେ ଆଜିକାଲି ଶାଢ଼ିର ମୌଳିକତା ଅକ୍ଷୂଣ୍ଣ ରଖି ବିଭିନ୍ନ ରଙ୍ଗ ଓ ଡିଜାଇନ୍‌ର ଶାଢ଼ି ବଜାରରେ ଉପଲବ୍ଧ ହେଉଛି । କୌଣସି ଶୁଭ କାମ କିମ୍ବା ସମାରୋହରେ ବୋମକାଇ ଶାଢ଼ି ପିନ୍ଧିବାକୁ ପସନ୍ଦ କରାଯାଏ । ବୋମକାଇ କଟନ ଶାଢ଼ି ସମାନ ଶୈଳୀରେ କଟନ ଫ୍ୟାବ୍ରିକ୍‌ରେ ତିଆରି କରାଯାଏ । ଗଞ୍ଜାମ ଜିଲ୍ଲାର ବୁଣାକାରମାନେ ଏହି ଶାଢ଼ି ବୁଣୁଥିବା ଦେଖିବାକୁ ମିଳିଥାଏ ।

କୋରାପୁଟର କୋଟପାଡ଼ ଶାଢ଼ି

କୋଟପାଡ଼ ସୁତା ଶାଢ଼ିର ବର୍ଡର ବହୁତ ଟାଣ । ଏହାକୁ ଅର୍ଗାନିକ ଭାବରେ ରଙ୍ଗ କରାଯାଇଥାଏ । ଏହା କପଡ଼ାକୁ ଏକ ସୁନ୍ଦର ଓ ସମୃଦ୍ଧି ଲୁକ୍ ଦେଇଥାଏ । ଏହାର ତିଆରି କରିବା ପ୍ରକ୍ରିୟାରେ ବହୁତ ସମୟ ଲାଗିଥାଏ । ସୁନ୍ଦର ରଙ୍ଗ ଓ ପରିବେଶ ଅନୁକୂଳ ପାଇଁ ଏହି ଶାଢ଼ି କିଣିବାକୁ ଗ୍ରାହକ ଖୁବ ପସନ୍ଦ କରିଥାନ୍ତି । କୋରାପୁଟସ୍ଥିତ କୋଟପାଡ଼ର ମିର୍ଗାନ ସମ୍ପ୍ରଦାୟର ବୁଣାକାରଙ୍କ ଦ୍ୱାରା ଏହି ଶାଢ଼ି ତିଆରି କରାଯାଉଛି । ବିଭିନ୍ନ ଗଛର ବକଳା, ହରିଡ଼ା, ପରିବା ଆଦିରୁ ରଙ୍ଗ ତିଆରି କରାଯାଇ ସୂତାରେ ଦିଆଯାଏ । ଗୋଟିଏ ଗୋଟିଏ ଶାଢ଼ି ତିଆରି କରିବା ପାଇଁ ୧୫ ଦିନରୁ ମାସେ ସମୟ ଲାଗିଯାଏ । କୋଟପାଡ଼ ହ୍ୟାଣ୍ଡଲୁମ୍ ଫ୍ୟାବ୍ରିକ୍ ଓଡ଼ିଶାର ପ୍ରଥମ ଜିନିଷ, ଯାହା ୨୦୦୫ରେ ଜିଓଗ୍ରାଫିକାଲ ଇଣ୍ଡିକେସନ ଅଫ ଇଣ୍ଡିଆ ଟ୍ୟାଗ୍ ବା ଜିଆଇ ଟ୍ୟାଗ ପାଇଥିଲା ।

ଧଳା ପଥର ଶାଢ଼ି

ଓଡ଼ିଶାର ଖୋର୍ଦ୍ଧା ଜିଲ୍ଲାସ୍ଥିତ ବୋଲଗଡ଼ର ଧଳାପଥର ଗାଁର ବୁଣାକାରମାନେ ଧଳାପଥର ଶାଢ଼ି ବୁଣିଥାନ୍ତି । ବିଶେଷକରି ରଙ୍ଗାନୀ ସମ୍ପ୍ରଦାୟର ବୁଣାକାରମାନେ ଧଳାପଥର ଶାଢ଼ି ବୁଣୁଥିବା ଦେଖିବାକୁ ମିଳିଥାଏ । ଏହି ଶାଢ଼ିକୁ କୁସୁମୀ କାପ୍ତା, କଙ୍କଣ ପେଡ଼ି, ମୁକ୍ତାପୁଞ୍ଜି, ନହାତି ଓ ଅକାତା ଶାଢ଼ି ଭାବେ ମଧ୍ୟ ଜଣାଶୁଣା ।

ବରଗଡ଼ର ଶକ୍ତପାର ବା ପଶାପାଲି ଶାଢ଼ି

ବରଗଡ଼ରେ ବୁଣାଯାଉଥିବା ଶକ୍ତପାର ବା ପଶାପାଲି ଶାଢ଼ି ହେଉଛି ଏକ ଇକତ ଶାଢ଼ି । ଏହି ଶାଢ଼ିର ଡିଜାଇନ ଚେକବୋର୍ଡ ବା ପଶାପାଲିରୁ ଅନୁପ୍ରାଣିତ ହୋଇଛି । ଡବଲ ଇକତରେ ଏହି ଶାଢ଼ି ବୁଣାଯାଏ । ପଶାପାଲି ଶାଢ଼ିର ରଙ୍ଗ ଉଜ୍ୱଳ ଓ ଭାଇବ୍ରାଣ୍ଟ ରଖାଯାଏ । ଏହି ଶାଢ଼ି ପଶ୍ଚିମ ଓଡ଼ିଶାର ସୋନପୁର, ବରପାଲି, ବାଉଁସରର ବୁଣାକାରମାନେ ବୁଣିଥାନ୍ତି । ସାଧାରଣତଃ ଏହି ଶାଢ଼ି ରେଶମ, ସୂତା, ଟସର, ରେଶମ ଓ ଟସରର ମିଶ୍ରଣରେ ବୁଣାଯାଏ । କେତେକ ପଶାପାଲି ଶାଢ଼ିର ପଣତକୁ ସୁନେଲୀ ରଙ୍ଗର ସୂତାରେ ବୁଣାଯାଏ । ଶାଢ଼ିର ବର୍ଡରକୁ ବି ଖୁବ ସୁନ୍ଦର ଭାବେ ତିଆରି କରାଯାଏ ।

ନୂଆପାଟଣାର ଖଣ୍ଡୁଆ ଶାଢ଼ି

କଟକର ନୂଆପାଟଣାରେ ବୁଣାଯାଉଥିବା ଖଣ୍ଡୁଆ ଶାଢ଼ି ଓଡ଼ିଶାର ଗର୍ବ ବୋଲି କୁହାଯାଏ । ଏହା ସାଧାରଣତଃ ନରମ ସିଲ୍କ କିମ୍ବା ମାଲଦା ସିଲ୍କ ସୂତାରେ ବୁଣାଯାଏ । ଏହି ଶାଢ଼ି ତିଆରି କରିବା ପ୍ରକ୍ରିୟା ଖୁବ ଜଟିଳ । ଶାଢ଼ିର ବର୍ଡରରେ ସାଧାରଣ ଟେମ୍ପଲ ଇକତ ଡିଜାଇନ୍ ଥିବାବେଳେ ପଣତରେ ନିଖୁଣ କାମ ହୋଇଥାଏ । ତେଣୁ ଏହି ଶାଢ଼ି ବୁଣିବାକୁ ବେଶୀ ସମୟ ଲାଗିଥାଏ । ବିବାହ ଋତୁ ଓ ଅନ୍ୟାନ୍ୟ ପର୍ବପର୍ବାଣୀ ସମୟରେ ଓଡ଼ିଶାର ମହିଳାମାନେ ଏହି ଶାଢ଼ି ବୁଣିଥାନ୍ତି । ପାରମ୍ପରିକ ଖଣ୍ଡୁଆ ଶାଢ଼ିର ରଙ୍ଗ ଲାଲ୍‌, ସୂର୍ଯ୍ୟସ୍ତ ହଳଦିଆ ଏବଂ କମଳା ରଙ୍ଗରେ ଆସିଥାଏ । ପଣତ ଓ ପାଢ଼ି କଳା, ଲାଲ୍‌, ନୀଳ ରଙ୍ଗର ହୋଇଥାଏ । ଯାହା ଖଣ୍ଡୁଆ ଶାଢ଼ିକୁ ଏକ ଭିନ୍ନ ଲୁକ୍ ଦେଇଥାଏ ।

ବ୍ରହ୍ମପୁରୀ ପାଟ

ସିଲ୍କ ସିଟି ବ୍ରହ୍ମପୁରର ବୁଣାକାରମାନେ ବୟନ କରୁଥିବା ବ୍ରହ୍ମପୁରୀ ଶାଢ଼ି ବା ବ୍ରହ୍ମପୁରୀ ପାଟ ଜିଆଇ ଟ୍ୟାଗ୍ ପାଇଛି । ଏହାର ସବୁଠାରୁ ବଡ଼ ସ୍ୱାତ୍ୟନ୍ତ୍ର ହେଉଛି ଏହା ପୁରୁଷଙ୍କ ପାଇଁ ମ୍ୟାଚିଂ ଯୋଡ଼ା ସହିତ ଆସିଥାଏ । ବ୍ରହ୍ମପୁରୀ ପାଟରେ ଡିଜାଇନ୍ କରାଯାଉଥିବା ଟେମ୍ପଲ ବା କୁମ୍ଭ ଡିଜାଇନ୍ ବେଶ୍ ଆକର୍ଷକ । ଏହାର ଜରି ବର୍ଡର ବହୁତ ସୁନ୍ଦର ଓ ମନମୋହକ ହୋଇଥାଏ । ଶାଢ଼ିରେ ଜଗନ୍ନାଥ ମନ୍ଦିରରେ ଅବସ୍ଥାନ କରୁଥିବା ତିନି ଠାକୁରଙ୍କ ମୂର୍ତ୍ତି ବି ଡିଜାଇନ୍ କରାଯାଏ । ଏହି ଶାଢ଼ି ବିବାହ ଓ ଅନ୍ୟାନ୍ୟ ମାଙ୍ଗଳିକ କାର୍ଯ୍ୟରେ ପିନ୍ଧିବାକୁ ଅଧିକ ପସନ୍ଦ କରାଯାଏ । ମନ୍ଦିର ଆକୃତି ଡିଜାଇନ୍‌ର ବର୍ଡର ଓ ପଣତ ପାଇଁ ବ୍ରହ୍ମପୁରୀ ପାଟ ବେଶୀ ଲୋକପ୍ରିୟ ।

Influencer culture has taken the whole world by storm, so much so that you would probably trust your favourite influencer over anything else. So you can imagine the responsibility that an influencer has to shoulder in today’s social media-centric world. Instagram being the hub of young energy, quality content and a centre of marketing today, people of Odisha have not been left behind. Here’s a quick roundup of the top influencers of Odisha you can follow for inspiration:

Prakruti Mishra

Number of Followers: 881K

Prakruti Mishra is one of the leading fashion and lifestyle influencers in Odisha, taking the talent of Odisha to the national arena. She is the winner of 65th National Award(National Award for what ?)and was seen in famous young-adult show MTV Ace of Space (Season 2). Her confidence and panache has not only earned her a large following on Instagram but also helped her inspire people about trending fashion and lifestyle updates.

What we loved: Her Instagram is a complete package of fashion, lifestyle, music and dance. You will not leave the page without being entertained.

Lovina Nayak

Number of Followers: 130K

Well known as the girl who brought blogging to Odisha, Lovina went through a journey of blogging, then quitting it due to her full-time job and then getting back to it to fulfil her real passion. Her brilliant fashion sense and interesting editing skills has got her collaborations with big brands like Ajio, Lifestyle, and Biba. So once you land on her page, be prepared to dive into a world of fashion and cool styles. She also uses Instagram for her entrepreneurial endeavours on pages@thriftwithlovvand @tummy_trucker.

What we loved: Her page is not all promotion-centric. You get snippets of her life and a look at her raw personality, so it is easier to connect with her style.

Namrata Parija

Number of Followers: 175K

An award-winning Fashion and Lifestyle Blogger, Namrata Parija is an Odia influencer who has collaborated with international brands like Only, Jack & Jones, and Vero Moda. Her Instagram is perfect for ones looking for modern and street style fashion inspiration. As someone who dreamt of acting, she also got a breakthrough on the TVF channel.

What we loved: There is a pop of colours on her Instagram page, clearly showing her love for fashion and styling.

We have not missed out on the foodies. If you are looking for food inspiration, check out these two pages on Instagram.

Warning: You might start drooling and face uncontrollable food cravings!

Foodies Of Bhubaneswar

Number of Followers: 92.8K

This community of foodies updates you with delicacies from Odisha and oftentimes from other states too. From unique Odia dishes like bel panna to reviews of great food joints in the state, make sure to sit with a pen and paper to note all of their suggestions. Unlike many food blogging pages today, they are doing a great job of bringing Odia delicacies to people on Instagram.

What we loved: The unique food facts and interesting captioning makes the page not just inspirational but also a great source of right information.

AP Food Diaries

Number of Followers: 42K

Handled by duo @kaafi_philmy and @avi._.arun, this page is the perfect destination for you if you are looking for recommendations and reviews for eateries in Bhubaneswar. Shifting from Odia cuisine, the page includes finger food and other global delicacies as well.

What we loved: The beautiful colours of diverse types of food. The images are enough to get you drooling! Did we miss out on any interesting influencers? Tell us about your favourite Odia food and fashion influencers on Instagram in the comments section below!