‘ଆଜାଦୀ କା ଅମୃତ ‌ମହୋତ୍ସବ’ ଅବସରରେ କେନ୍ଦ୍ର ସଂଗୀତ ନାଟକ ଏକାଡେମୀ ପକ୍ଷରୁ ଚଳିତ ବର୍ଷ ୭୫ ଜଣଙ୍କୁ ସଂଗୀତ ନାଟକ ଅକା‌ଦେମି ଅମୃତ ପୁରସ୍କାର ପ୍ରଦାନ କରାଯିବ । ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ୭୫ବର୍ଷ ବୟସରୁ ଊର୍ଦ୍ଧ୍ବ କଳାକାରମାନଙ୍କୁ ଏହି ପୁରସ୍କାର ପ୍ରଦାନ କରାଯିବ ବୋଲି ଆଜି ଏକାଡେମୀ ପକ୍ଷରୁ ଘୋଷଣା କରାଯାଇଛି । କଳା କ୍ଷେତ୍ରରେ ସର୍ବୋତ୍ତମ ପ୍ରଦର୍ଶନ ପାଇଁ ଏଥିରେ ଓଡ଼ିଶାରୁ ୪ଜଣ ବ୍ୟକ୍ତିବିଶେଷ ସ୍ଥାନ ପାଇଛନ୍ତି । ସେମାନେ ହେଲେ, ନାଟକ ପାଇଁ ନାଟ୍ୟକାର ଅନନ୍ତ ମହାପାତ୍ର, ଲୋକଗୀତ(ବ୍ରହ୍ମବୀଣା) ପାଇଁ ଆନନ୍ଦ ବାଗ, ଓଡ଼ିଶୀ ନୃତ୍ୟ(ଗୋଟିପୁଅ) ପାଇଁ ଗୋବିନ୍ଦ ଚନ୍ଦ୍ର ପାଲ, ଛଉ ନୃତ୍ୟ ପାଇଁ ଶିବପ୍ରସାଦ ଦାସଙ୍କୁ ମନୋନୀତ କରାଯାଇଛି । ଏହି କଳାକାରମାନଙ୍କୁ ଏକାଡେମୀ ପକ୍ଷରୁ ଏକ ସ୍ବତନ୍ତ୍ର ଉତ୍ସବ କରାଯାଇ ସମ୍ବର୍ଦ୍ଧିତ କରାଯିବ । ପୁରସ୍କାର ବାବଦକୁ ସେମାନଙ୍କୁ ୧ଲକ୍ଷ ଟଙ୍କାର ଅର୍ଥରାଶି ପ୍ରଦାନ ସହ ଅଙ୍ଗବସ୍ତ୍ର ଓ ତାମ୍ରଫଳକ ଦେଇ ସମ୍ମାନିତ କରାଯିବ ।